طبعا هذه الجمله اصبحت تندرج تحت بند الخيال العلمى
ودخلت الانتك خانه على اعتبار انها من الحفريات
ومن واتته الشجاعه على ان يتقدم لخطبه فتاه
وهذا طبعا اذا كان يمتلك المقومات الاساسيه للزواج
من شقه واثاث وشويه حاجات صغيره فوق بعض
وطبعا الوظيفه
سيجد من يرحب به عريسا لأبنتهم
مع بعض التحفظات البسيطه
ويقولون انها بعض الشكليات الفارغه
المهم اننا بنشترى راجل
واهلابك ويا مراحب وشربات وجاتوه
وندخل فى التفاصيل
طبعا شقه 400 متر
زى بنت خالتها (ولا هى يعنى اقل منها)
ويا حبذا لو كانت بحرى والعماره فيها سانسير (المصعد يعنى)
وعلشان الجو hot اليومين دول
لازمن ولابد يكون فى الشقه 4 اير كونديشن (تكيييييييييف )
اصل بنتنا زى البسكوته وبتفرفر من الحر
وشويه كماليات بسيطه كمان
اشرب شربات يا حبيبى
ندخل بقى فى العفش والنابوليا
من كل بد لازم يكون العفش لا يقل عن 150 الف جنيه
ولا هى اقل من بنت عمها يعنى
كل جاتوه يا حبيبى
اجبلك مشبك وهريسه
ندخل بقى فى الشبكه
احنا ميهمناش الفلوس
احنا بنشترى راجل
بس الشبكه لازم تكون من عند لازوردى اوشبكه الماظ ب 100 الف جنيه
ولا يعنى هى ماتشبهش هايفه يعنى
يفضل ايه يا واد يا ابو العروسه
آه
الفرح وشهر العسل
دى طبعا شكليات فارغه وبسيطه
الفرح فى الفور سيزون او الشيراتون
وشهر العسل فى شرم او بورتو السخنه
وبلدنا احسن من غيرها
اما لو عاوز تقضى شهر العسل فى باريسودخلت الانتك خانه على اعتبار انها من الحفريات
ومن واتته الشجاعه على ان يتقدم لخطبه فتاه
وهذا طبعا اذا كان يمتلك المقومات الاساسيه للزواج
من شقه واثاث وشويه حاجات صغيره فوق بعض
وطبعا الوظيفه
سيجد من يرحب به عريسا لأبنتهم
مع بعض التحفظات البسيطه
ويقولون انها بعض الشكليات الفارغه
المهم اننا بنشترى راجل
واهلابك ويا مراحب وشربات وجاتوه
وندخل فى التفاصيل
طبعا شقه 400 متر
زى بنت خالتها (ولا هى يعنى اقل منها)
ويا حبذا لو كانت بحرى والعماره فيها سانسير (المصعد يعنى)
وعلشان الجو hot اليومين دول
لازمن ولابد يكون فى الشقه 4 اير كونديشن (تكيييييييييف )
اصل بنتنا زى البسكوته وبتفرفر من الحر
وشويه كماليات بسيطه كمان
اشرب شربات يا حبيبى
ندخل بقى فى العفش والنابوليا
من كل بد لازم يكون العفش لا يقل عن 150 الف جنيه
ولا هى اقل من بنت عمها يعنى
كل جاتوه يا حبيبى
اجبلك مشبك وهريسه
ندخل بقى فى الشبكه
احنا ميهمناش الفلوس
احنا بنشترى راجل
بس الشبكه لازم تكون من عند لازوردى اوشبكه الماظ ب 100 الف جنيه
ولا يعنى هى ماتشبهش هايفه يعنى
يفضل ايه يا واد يا ابو العروسه
آه
الفرح وشهر العسل
دى طبعا شكليات فارغه وبسيطه
الفرح فى الفور سيزون او الشيراتون
وشهر العسل فى شرم او بورتو السخنه
وبلدنا احسن من غيرها
معندناش مانع
انت وراحتك
علشان تعرف اننا مش متذمتين
وبنشترى راجل
والفلوس بتروح وتيجى
المهم اننا بنشترى راجل
والباقى كماليات زى ما اتا شفت
مالك يا ابنى
اطلبى الاسعاف يا سعاد
الجدع مش عارف ماله
مع انى كنت متساهل معاه جدا
ولا كان عاوزنى اصرف عليه كمان
شباب اخر زمن
.
هناك 43 تعليقًا:
اول تعليق ..
نقول البقاء لله
والفاتحة
يا عيني الراجل مش ملاحق ياكل ولا يسمع ولا يشرب
وباين ان الطلبات فعلا
" شويه حاجات صغيره فوق بعض "
ههههههههههههههههههههههههه
بوست لطيف
جزاكم الله كل خير
جنــــــــــة الله
امال هو دخول بيوت الناس بالساهل كده
وبعدين دى كلها شكليات
بسيطه
ولا يعنى عاوز يتجوز بلوشى
منورانى دايما
بوست ظريف للغاية نحن مضيعون فعلا في هذا المجتمع ونقع بين المطرقة والسندان مطرقة الفقر والبطالة وقصر اليد والرغبة الملحة في العفة وسندان الواقع وسفاهة العقول التي تخترع من العراقيل والعادات القاتلة التي ما أنزل الله بها من سلطان طلبات لا أول لها ولا آخر أو على حد تعبيرك (( شوية حاجات صغيرة فوق بعضها)) كلها من باب الفشخرة الكذابة والتقليد وفش الغل وإخراج العقد وفي النهاية تكون النتيجة 9 مليون عانس و2 مليون طفل حرام - على ما أظن - وحوالي 5 آلاف حالة زواج عرفي في كل جامعة من جامعاتنا المحترمة هذا فضلا عما يدور خلف الأبواب وما خفي أعظم !!
الكحيان
منور المدونه
وطبعا معك حق
طالما نغالى فى الزواج
سيعود علينا باسوء النتائج
وما خفى كان اعظم صحيح
ربنا يستر على وليانا
ههههههههههههه
ايه البوست التحفه ده
ده اب متساهل جدا
ازاي يبيع بنته كده ؟ده كده بيرميها؟
يلا معلش عشان تعرفوا بس ان احنا البنات متواضعين وطلباتنل علي قدنا
وانتوا الي بتتدلعوا
يلا معلشس بقي البقاء لله في العريس
تقبل مروري
ديالا
منوره المدونه
وبعدين الاب متساهل غى جوازه بنته
وبعدين يقولى ليه البنات مش لاقيه تتجوز
دى ناس غريبه
وبعدين الجواز له اصوله
واهم حاجه
اننا بنشترى راجل
هههههههههههههههههههههههههههه
بقى كل ده ولسة بيشتري راجل
طب يبقى يشتريه من المشتشفة(المستشفى يعني) بقى
موضوع جميل قوي.. وصحيح هى الدنيا ايه غير شوية طلبات لابو العروسة فوق بعض.
MaNoOoSh
ده حتى ابو العروسه لسه متكلمش فى المهر والمؤخر والنجف و السجاجيد
ده راجل متعاون جدا
انما الوزاد هو اللى مش وش جواز
بلاش ظلم وتجنى العروسه هتجيب الستاير وادوات المطبخ...ايه عايز تنهب لا انت داخل على طمع
تحياتى وربنا يكون فى عون الشباب
لاسع افندى
نسيت المعالق والحلل
وكده عداها العيب وازح
يعنى تعمل ايه تانى
تدفع المهر يعنى
منور المدونه دايما
الا هو حصله ايه؟
هما طلبوا منه حاجة؟
لا لا لا العريس ده شكله بيتلكك عشان الجوازة ماتكملش:)
موناليزا
شباب اخر زمن
دى حجج فارغه
وبعدن ابو العروسه كان مهاود معاه
بس حتقول ايه دلع عيال
لما هو مش قد الجواز
بيتنيل ليه
منوره المدونه موناليزا
عايز الحق العيب مش ابو العروسة العيب فى الشاب اللى هيوافق على كل الطلبات دى ويعدين يشتكى مهما لما يصروا على موقفهم بان مش هنفذ الطلبات دى يبقى يفرح الاباء ببناتهم وهما جنبهم
يعني يطلبوا من الواد يا عين امه الطلبات البسيطة دي ويجيبوا الكاتوه من عند أم نوسة؟
انا لو من الواد أعذبهم وأقدم فيهم بلاغ وأوديهم التمن وأشوف فيهم أسبوع من أوله
شفت انا طيبة إزاي؟
هههههههههههههههه
ياعيني يابني
الحمدلله اني مش ولد
بس لو دخلنا ف الجد انا فعلا ناويه اخفف ع فارس احلامي يعني
بس هو يجي الاول ههههههه
ايوشة
حنعمل ايه
حكم القوى
وبعدين دى كلها طلبات بسيطه
المهم اننا بنشترى راجل
ستيته حسب الله الحمش
معلش
الواد معدته مش واخده على الجاتوه
بس بكره يفوق ويبقى عال
وبعدين ابو العروسه كان منساهل معاه جدا
الراجل عداه العيب بصراحه
MǿиY El-Shreef
ما كله بيقول كده
وبعدين يرجعوا يقولوا دى شويه كماليات بسيطه
المهم اننا بنشترى راجل
جر رجل يعنى
ههههههههههههههه
الرسول قال زوجوا ابنتكم الي من ارتضيتموة دينا
معلش كون نفسك
بوست جميل دمت بالف خير
بنت اسكندرانية
انا عن نفسى
الحمد لله
مكون نفسى
بس مستنى اخلص دراسه واتشنكل على طول
منوره المدونه
ويا رب تكون عجبتك
هههههههههه انا بهزر وعن قريب تنشنكل
طبعا عجبتني انا بدون من زمان بس انقطعت ورجعت وبعمل مسابقة اللي يعرف انا مين لية مدونة هدية
دمت بالف خير
بنت اسكندرانية
قولى يا رب
ونورتى المدونات تانى
ويا رب متغبيش مره تانيه
ومنورانى دايما
احنا بنشتري راجل << دا كلام سليم
والغاوي ينقط بـ طقيتو .. ولا انت مش معايا ؟
وبعدين داخل على جوازه يبقى لازم تكع أومال ايه ؟!!!
بس كمان من موقعي دا أحب أطمن الشباب والمقبلين على الزواج انو العروسه هتساعد بردو .. هتساعدك أيوا
هتنزل معاك تنقي .. انت عليك تكع الفلوس وهيا عليها الزوق تقول دا اه ودا لا .
P:
وربنا يوفق :))
Bola 7elmi
انا معاكى طبعا
وعلى راى المثل
اللى ممعهوش
ميلزموش
والعروسه عداها العيب
مش كفايه حتنزل معاه وتختار
يعنى تدفع من جيبها كمان
أنا عايزه لبنتي شقه
تكون سبع مطارح
عايزاها تبقى واسعه
للجاي واللرايح
وعشان خاطر الغلابه
وظروف الخريجين
كفايه جوز مطابخ
وصاله وحمامين
والشبكه عشر خواتم
وعقد واسوره
وكتر في الغوايش
لزوم الفشخره
تقبل مروري الاول عندك
وهي دي معاناه اي شاب مصري
منار فايد
شباك موارب
طلبات بسيطه جدا
وسهل جدا تنفيذها
هو كيلو هيروين حيخلص الليله
العريس يروح لعشماوى
والعروسه تقبض تمن المخدرات
وتتجوز على مذاكها
ويبقى ضربنا عصفورين بحجر
منوره المدونه
ويا رب تكون عجبتك
يا معلم
ايه ده
هو احلى حاجه
انها لازم تكون زى بنت عمها
وزى بنت خالتها
وزى اختها
لازم تكون كامله من ناحيه قرايبها عشان المعايره
والله هو نسى يقول
ان المهر نص مليون
بس يلا
انا ببلغكم عنه
THE illusionist
هو ابو العروسه لازم يعمل مساواه فى العيله
بس العريس فيص بدرى قبل ما يسع باقى الطلبات
زى المهر والمؤخر
بس لو فاق من الغيبوبه اوعدك حيعرف
علشان يحرم يفكر فى الجواز
لالالالالالالا على فكره الاب ميستاهلش لقب اب
لانه متساهل جدا وبيرمى بنته كده
طلباته قليله اوى
ربنا يكرمنا يارب انا عن نفسى مش ناوى اتجوز هصرف عليها ولا على نفسى هههههههه ياعم اشبرق نفسى احسن ههههههه
السلام عليكم و رحمة الله و بركاته
"مع انى كنت متساهل معاه جدا
ولا كان عاوزنى اصرف عليه كمان
شباب اخر زمن"
:)
الا هو طلع ماله؟؟
بتهيألى كان هيغمى عليه من الفرحة
ماكنش مصدق ان لسه فى ناس بتتساهل كدا
مش صح؟؟!!!
ههههههههههه
ربنا يعين الجميع
Soul.o0o.Whisper
اصل العريس كان متقل فى الغدا شويه
وهبط من كتر الفرحه
يعنى بشويه الفلوس اللى معاه
وطلبات ابو العروسه
ممكن يتجوز ويشترى 8 كيلوا لحمه
و4 فرخات
و2 كيلوا كباب
بس اظن ان الكباب حيكون مضروب
عايش... ولكن !!!!
هو فى حل وسط
انت تتجوز اتنين
واحده تروح اعاره الخليج
وتبعتلك مرتبها اول كس شهر
علشان تصرف بيه على مراتك التانيه
يا عم الناس اللى بتعمل كده ما تستاهلش تاخد راجل لبنتها تستاهل حاجة تانية ولا مؤاخذة
السلامـ عليكمـ
لا حول ولا قوة الا بالله
بس مش كل الناس بتتكلمـ بنفس المبدا دا فيه ناس كويسه وكمان ممكن تساعد العريس له انسان فعلا محترم ومستقبله كويس
لكن اللي بيتعامل من المبدا دا بيفتكر انه بكدا بيعزز بنته وبيحافظ علي مستقبلها وبيامنه وبجد مساكين لانهم مش عارفين ان اللي عايز يبع بعد كدا مش هيهمه الفلوس ومش معني انه طلع عينه ودفع كتير علشان يتجوز يبقي كدا هيكون ملاك وهيعملها كويس
وصدق رسول الله صلي الله عليه وسلمـ
(( اقلهم مهراً اكثرهم بركه ))
ومع اني بنت بس ما بحبش اني اتعامل كاني سلعه بتتباع باغلي الاسعار اهمـ شئ التفاهم والعشره الطيبه ويكون راجل بس مش اي راجل راجل يتقي الله في نفسه اولا وفيا بعد كدا
وربنا يصلح الاحوال ..
Dr. Kafy
منور المدونه
ويا رب تكن عجبتك
وفعلا
العيله دى مش عتوزه راجل
هما عاوزين بهاااااااااء
بتاع البت الخبره
منورنى
ghorBty
منوره المدونه
وطبعا عندك حق
مش كل الناس بتفعل ذلك
ولكن هذا الموضوع انتشر جدا السنوات السابقه
بدون مبرر
رغم ان الحاله الاجتماعيه للبلد فى تدنى
ولكن مازال هناك من يتقى الله فى بناته
منتظر تواجدك دائما
انا كدة خدت القرار خلاص وتبخر من دماغى مشروع الجواز ده
ياعم احنا عايزين نخش دنيا مش نخرج منها وبالشكل المزرى ده
بس ةعايز الحق ... بيتهيألى ان في ناس كتير بقت بتحس على دمها وبطلت تغالى في طلباتها مش رفقا بالشباب بس خوفا على بناتهم من العنوسة وما يترتب عليها
اذا جاءكم من ترضون دينه وخلقه فزوجوه الا تفعلو تكن فتنة في الارض وفساد كبير .... صدق رسول الله
تحياتي
Crazy Sky
لا يا راجل
حد يرفس النعمه بأيده
ده الجواز نعمه من عند ربنا
بس انا بعلق على العائلات التى تغالى فى مصاريف الجواز
بس دول مش الاغلبيه
الناس المحترمه كتير
وبتققدر ظروف الشباب
اتوكل على الله
السلام عليكم اقلهن مهرا اكثرهن بركة
علشان هيك اغلب الزيجات ما عاد فيها بركة
وبتفشل
ربنا يعافينا
بس والله اهم شي انو نشتري راجل
ما راح ينفعنا الشكل ولا الفشخرة بالمال
ههههههههههه
برافو عليك
تصور رائع لمشكلة فعلا واقعية
و بيعاني منها مجتمعنا
يا عم الشباب احسن لك تعزل ولا تشفلك شغلانة تانى بعيد عن لالجواز وسنينة نصيحة من متزوج خبرة احمد http://alswasy300.blogspot.com/2009/12/blog-post.html?zx=6315c9dbcf0a6bc8
يعني علشانه امير !!! .اصبروا نشوف نتيجة التحقيقات والموضوع .مايجوز الاتهام الباطل
إرسال تعليق