الأحد، 26 يوليو 2009

البنت زى الولد




قال صلاح جاهين رحمه الله

البنت زى الولد
ماهش كماله عدد

ورغم ان هذه الجمله الان غير صحيحه
والاصح ان نقول

البنت زى الولد
الاتنين مالهومش لازمه
ولكن المهم
اذا تمسكن بهذه القاعده
فليكن
ولكن يجب ان يدفعن ثمن ذلك
احنا نتكروت بمزاجنا
اما غصب عننا لأ

وبما ان قانون الندره النسبيه يحكم الان مسأله الزواج
والرجاله اصبحوا فى ندره البتنجان الاخضر

فهنا لنا وقفه
يجب ان نطالب بحقوقنا نحن معشر الرجال
من الان
الشبكه على العروسه
العفش ولوازم البيت على العروسه
مصاريف البيت على العروسه
والعريس عليه المطبخ والحمام والبلكونات
هو حد لاقى شباب للزواج هذه الايام
احنا نقعد فى البيت معززين مكرمين
والعدل ييجى لغايه البيت
كفايه بهدله بقى
ده قريب حصرفوا الستات على بطاقه التموين
وممكن تتجوز واحده
يدولك التانيه هديه
احنا بس اللى مش حاسيين بقيمتنا
وقد بعز من كنزر
انا قلت اهو
وحبدأ بنفسى

ومن تريد الزواج منى
تتقدم بطلب على عرضحال ودمغه ب
1.25 جنيه
وتتنظر ميعاد المزاد
ولاعلى سعر
وتجيب الشقه بلوازمها
انا اروح بيت العدل بالهدوم اللى عليا

هوا انا شويه يا جدعااااااااااااان
.

هناك 38 تعليقًا:

Somaya Kamal El Din يقول...

هههههههههههه

فكرة والله
على رى ابن عمتى دلوقتى زمن الحريم

يعنى حتى بعد الجواز هيعدوا فى البيت واحنا بقى اللى هننزل نشتغل ونعمل كل حاجة

The illusionist يقول...

اهلالالالالالالالالالالالالالالالالالالالالالالالالالالالالالالالالان

باشا
ايوه كده
معايا عالخط ودوس يا كبير
ممكن نعمل اتحاد للمدونتين
وهتبقى جامده جدا
هو ده
انا مش قايل
الست زى الراجل
يبقى كله ينعكس
يا اما الراجل يبقى له نفقه زى الست
ويبقى العفش عليها
ولا اييييييييييييييه يا رداااااااااااله

MaNoOoSh يقول...

لع وألف لع كمان


هو ايييييييييييييييييييييه.. انتوا مصدقتوا وللا ايه

طب دة ربنا خالق الرجالة علشان يشقوا فى الدنيا


والبنات تكون لذيذة ورايقة كده تحتويه علشان يبقى عنده مخزون حنية يدلعها بيه

وللا احنا هنفضل كده علطول ناقر ونقير


لالالالالالا الرجالة اتدلعوا قوي
ربنا يسامح امهاتهم بقى
ههههههههههه

موناليزا يقول...

:)لو جالك عروض لازم تفرحنا
مع ان ده شئ مش مستبعد على فكرة:)

ستيتة يقول...

ادينا قاعدين
ويا قاعدين يكفيكم شر الجايين
بس مش خايف تتقدم لك بنت صاحبة إزازة وألا بتسهر طول الليل في البارات ؟

الحقيقة لو الرجالة في ندرة البتنجان الأخضر فالجواز بقى في ندرة الديناصور الأخضر اللزج

يارب يبعت لك طلبك
بس انا اللي ها امسك المزاد علشان العمولة

Ramy Wasel يقول...

Somaya Kamal El Din

اهلا سومه الفيلسوفه

منوره المدونه

واحنا فعلا فى زمن الحريم

وكفايه على الرجاله شقى وتعب لغايه كده
اتبهدلوا انتوا شوه بقى

منتظرك دائما

Ramy Wasel يقول...

THE illusionist

احنا قلناها
ومش حنرجع فيها
حنقعد فى البيت
والستات تنزل تشتغل
كفايه بهدله بقى
الواحد له ايه غير الستر

منور يا باشا
وانضم معانا لاتحاد الرجال فى البيت

Ramy Wasel يقول...

MaNoOoSh

ايه يا منووش

انتى عاوزه تعذبينا يعنى

وبعدين حرام عليكوا
ده انا ابن ناس
ومش وش بهدله

وبعدين فين البنات اللى بتتكلمى عليها دى
دى نوعيه اقرضت
ولم يتبقى الا النادر منها فقط
ندره الفلفل الابيض
والباقى
زى ما انتى شايفه

Ramy Wasel يقول...

موناليزا

بالنسبه للعروض
ابويا الحاج هوا اللى بيستلمها
ويفهرسها
لكبر عددها طبعا
وهوا الللى يختار
احنا معندناش رجاله تختار عرايسها

Ramy Wasel يقول...

ستيته حسب الله الحمش

خلاص
امسكى المزاد مع ابويا
علشان هوا اللى ناوى يختار
هو يخطب وانا اتجوز
انا اخلف
وهو يربى
انا اكل
وهو يصرف
دى شروطه

عاشقه الرومانسيه يقول...

دى شروطك سهله قوى
انا هاعلن عنها لاصحابى بس مش اوعدك انى اشترك فى المزاد
لانى مش هالحق اصلى كسبت مزاد تانى
وخطوبتى الجمعه الجايه
هههههههههههههههههههههه

Ramy Wasel يقول...

1000 مليون مبروك

طيب حتعزمينا بقى
ولا مش حناكل جاتوه حتى

عبقال كتب الكتاب والفرح
وعقبالنا جميعا

منوره المدونه

حاجات جوايا يقول...

ندرة ايه دى ؟؟
امال اللى قاعدين عالقهاوى وزاحمين الكبارى وماليين البلد دول ايه
استنساخ ؟؟؟؟؟؟؟؟
ههههههههههههههههههههه

وبعدين دى روعة الرجل فى انه يكون صاحب الخطوة الأولى .. وصاحب الحصان الأبيض .. وفارس الأحلام

كده انت عايز تقلل قيمة الرجل خالص
وكمان هتعمل مزاد .. ناقص تقول ده سينيى ..وده تقفيل خارج ههههههههههه


لالالالالالالا قيمة الرجل فى رجولته
وجمال البنت فى انوثتها


بس بجد المسألة محتاجة وقفة
البنات عايزة تتجوز
والولاد عايزة تتجوز
ومحدش بيتجوز


ربنا يصلح الحال يارب
ويرزقك بالزوجة الصالحة

تحيتى واحترامى
تقبل مرورى

ديالا يقول...

ياراجل حرام عليك بلكونات ومطبخ وحمام ايه

يابني احنا ربنا كرمنا وادانا المميزات دي ليه بقي تطمعوا وعايزين تاخدوا دورنا

ده كفايه عليكوا اوي ان احنا بنتعب وبنجيبب بيبهات يعني احنا بنستحمل بجد كتير اوي

وبخصوص عرض الزواج

مش شايفين حد اتقدم يعني يادكتور

لو كان الطلب ده قدمته اي بنت كنت هتلاقي لبات الجواز كتيييييييييييييييييير ولا ايه؟

تأثير الفراشة يقول...

:) :) :) :)

من أطرف تدويناتك، خاصة النسخة الجديدة من أغنية صلاح جاهين الله يرحمه

بالتوفيق إن شاء الله

تحياتى لحضرتك

شجرة الدر يقول...

السلام عليكم هذه او زيارة
مدونة ممتعة حقا
اكيد لينا عودة ونتشرف ان تكون المدونة صديقة ونلاقي عندكك مكان
والف شكر
تحياتي ليك

رحلتنا في الحياة يقول...

ههههههههههه طيب خليك قاعد فى بيتكم بقى ايه الشروط التعسوفية دى طيب اتهاودوا شوية :))
طبعا تلاقى كل الرجالة مبسوطة بالموضوع دا كنت ناقصة تقول زي سعيد صالح اذا كان الست ست وتصرف عليا مش هتجوزها ههههههههه

kareem azmy يقول...

هههههههههه
عندك حق

مدونتك جميلة

Adam يقول...

ramy wa7ashteny awy bost gamed gedan

adam

نوسه وريمان فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

الأميرة ميرا يقول...

يا حرام يا رامي
لحد دلواقتي مجالكاش ولا عرض
من رأي تسافر الهند احسن
هو ماشيين عالنظام دة من زمان
ولو ملقيتش حد ابقى ارجع
سلملي عالحج

منــار فايد يقول...

خليك بقى على قد الكلام
وياخساره الرجاله
هي وصلت لحد كدا

سلامي يارامي

ليس فقيرا من يحب يقول...

هههههههههههههههههههههههههههههه

فى ندرة البتنجان الاخضر

دا زى الهم على القلب يبنى

ياكثوفك يارامى ولا عرض جه

سمسم/سما يقول...

السلام عليكم
ازيك يا رامي
قلي بس هو منين الي ملى دماغك بالافكار السودة دي
بس ميكنش الحج جه على بالو يجوز وقلك اعمل الحاجة دي وانا افرزلك الطلباتو ويقوم منقى لنفسو وسايبك
هههههههه
معلش انا بهزر
قلنا انت بس المواصفات الي عاوزها واحنا نمشيلك فالموضوع

وحي القلم يقول...

السلام عليكم
والله فكرة سليمة
هما بس فالحين يزاحمونا ف الشغل

الملكة يقول...

هههههههههه
ايه يا عم رامي
وكمان مزاد؟
انا خايفة تندم بعد كدة عالكلام اللي قلتو
ومتنساش ان كيدهن عظيم
بعدين هتكونو رجالة ازاي وانتو ناويين تقعدو في البيوت وتتخطبو
ميصحش يا عم
دة في نسوان بتطلب تكون العصمة بايدها من غير متدفع مهر ولا شبكة
تخيل النوع دة من الستات ممكن يعمل ايه لو كمان هوا اللي بيدفع للراجل؟
فكر كدة واحسبها وابقى رد عليا
منورنا والله

Unknown يقول...

مدونتك محتواها رائع جدا وانت صاحب فكر جيد

ولكن المظهر والتنظيم مش كويس

لو تحب اقوملك بالمهمه دى واعملك تصميم احترافى وانظمهالك انا تحت امرك

زورنى فى مدونتى واترك تعليق وانا تحت امرك

hhtp://www.blog-money-here.blogspot.com

Qatarat Nada يقول...

هههههههههههههههههههههه
يا سلام يا سلام
خلاص كدة موتوا فينا الشموخ
بقى كل حاجة ع الست وانتوا تقعدوا معززين مكرمين
وليه لا
ما انتوا اصلا معززين مكرمين
بجد لو عايزين تقلبوا القدر
خلاص اقلبوه 180 درجة
يعني خللى عليكم البيت والعيال والخلفة وحطوا تحت الكلمة د مليون خط
وحنا يعني حنشتغل ونتعب ونصرف ع البيت ونخلف كمان
ههههههههههههههههههههههههه
بجد الموضوع جميل ولطيف اووووى
وكل كلامى دة هزار
وبالنسبة للموضوع دة
انا احتج .. لن نقبل
سعيدة جدا انى قريت بوست في المدونة دى بعد غياب
تسلم ايديك

Dr. Ibrahim يقول...

اه ماهى الدنيا عادت ماشية بالعكس ............

تأثير الفراشة يقول...

يا رب تكون فى أفضل حال

كل سنة و حضرتك طيب و إلى الله أقرب إن شاء الله

متوقفة فترة رمضان و العودة بعده بإذن الله

تقبل الله منا و منكم

رمضان كريم

akeed يقول...

المدونة رائعة و شكرا على الزيارة تحياتى

Israa El-sakka يقول...

لااااااا
أخر إحصائية بتقول في مصر أن عدد الرجالة اكتر من الستات يعني أخنا الأملة...و لازمن تبوسوا القدم عشان نرضى بيكوا بما أننا الأكترية ههههه
كل سنة و أنت طيب و رمضان كريم

ghorBty يقول...

كل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

تأثير الفراشة يقول...

كل سنة و حضرتك طيب و فى أحسن حال

ملأ الله عيدكم بالسعادة
و رزقكم الحسنى و زيادة
و حبب فيكم ملائكته و عباده
تقبل الله منكم رمضان
و كل عام و أنتم بخير و إلى الله أقرب و فى طاعته أدوم إن شاء الله

عيــــــد سعيــــــد

خواطر شابة يقول...

حتفتح المزاد امتى?
وهي الشروط من ضمنها الجنسية المصرية ولا انت فاتح على البحري
على العموم متنساش تعزمنا على الفرح
مع تحياتي

-_- يقول...

يا سلام عليك

غير معرف يقول...

هههههههههه

انتم في ندره !
حسستني اننا راح نموت بدونكم !!!

صراحه هو البنت زي الولد في امور و تختلف عنه في امور ,,
مثل التشريع في الاسلام في امور تختلف بينهم تجب على الرجال و تسقط عن النساء ,,

عموما لو كان المهر للرجال فيه خير لسبقنا القران و السنه الى ذلك ,,
لكن من حكمه الله ان جعله للمراة و جعل الرجل هو المسؤول عن توفير المسكن و المأكل و الملبس ,,

اما المرأة فحتى تكوينها الجسدي يحكم وظائفها و هي الحمل و الولادة و الارضاع و التربية و هكذا ,,


اخيرا لا ننسى وصيه الحبيب عليه الصلاه و السلام : ( استوصو بالنساء خير )
( خيركم خيركم لاهله و انا خيركم لاهله )
( رفقا بالقوارير )


دمت بخير ^^

abdullah-blogs يقول...

شات صوتي
دردشة الغلا
غلا الروح
شات الغلا
الغلا
شوق كام
نايس كام

شات وه الغربيه
وه الغربيه
شات أميره الصوتي
شات أميره

شات دلع
دلع ون
دلوعات ون الصوتي

شات حبي
حبي كول
حبي الصوتي

بنت ابوي
شات بنت
بنت ابوي الصوتي

جنون قلبي
شات جنون قلبي
قلبي الصوتي

وردة غلا
شات غلا
شات وردة الصوتي

مزايين كام
شات مزايين
شات صوتي

سحر الكون
شات سحر الكون
صوتية سحر الكون

عرب ذوق
شات ذوق
عرب ذوق الصوتيه

عذاب كول
شات كول
عذاب كام
شات صوتي
شوق كام
شات صوتي


عرب كول
شات عرب كول
انحراف كام
شات صوتي
شات صوتي مغربي