الخميس، 30 أبريل 2009

الحب فى زمن الدولرا

.

.





الى حبيبتى

خدى تعالى

تعالى بقولك

خدى يا بت

تعالى بالذوق احسن

لأجيبك من شعرك

وأمسح بيكى بلاط الارض

أصلى بحبك

أى والله بحبك

نفسى أحضنك وأكسر عضمك

وأرميكى جنب الحيط

وأبكى عليكى

اكمنى بحبك

حتروحى منى فين

ده العالم بقى قريه صغيره

وحجيبك يعنى حجيبك

واديكى اشواقى بالجزمه

وبسن الجزمه اشوطك جوه فى قلبى

واديكى حبى بالكرباج

ومشاعرى تولع فيكى

ومن كتر حبى ليكى

يبقى نفسى افجرك

ما كده كده حتموتى

يبقى تموتى بين درعاتى

او حتى بالسم الهارى

واهى موته والسلام

بس حتوحشينى يابه

بقلمى

هناك 7 تعليقات:

السنونو يقول...

حلوة جدا يا رامى ومعبرة عن الحقيقة برضه :)))))

رحلتنا في الحياة يقول...

هههههه من طرف اخوكى اللمبى
ايه التوحش ده

Ramy Wasel يقول...

السنونو
هو ده حب اليومين دول
منوره المدونه

Ramy Wasel يقول...

ايوشه
زى ما قولتى
ده حب اللمبى
وللاسف ده حب اليومين دول
منوره المدونه

Bola 7elmi يقول...

هههههههه

يالهوي على كدا رومانسيه
بجد رومانسي جدا جدا جدا :S

Ramy Wasel يقول...

Bola 7elmi
منوره المدونه

ودول كانوا شويه مشاعر على ما قوسم

بس شويه فى الرومانسيه
وصايه

Qatarat Nada يقول...

ههههههههههههههههههههههههههههههه
ما شاء الله
الظاهر على حضرتك رومانسي جدا
سماهم على كيبورداتهم