.jpg)
ايا حبيبتى
أقبلى الى
هااااااااى بقولك انتى
فأنى أحبك بشراسه
ومجانصى بتنادى عليكى
وترابيسى تحن أليكى
وعضلاتى بتشد عليا
علشان انتى بعيد عن عينيا
فهلمى لنجلس سويا
ونشيل حديد
ونلعب ماتش بوكس شديد
فأنا أشتاق أليكى
شوق الكوتش للتمرين
وشوق الكلابظ للضربه القاضيه
فأنت لى كبطوله الدوله
وأحلى من ميداليه اوليمبيه
فاذا اردتى ان نلتقى
أتصلى بيا على الارقام ديا
عضله . مجانص . مجانص . عضله. ترباس
فى انتظار الرنه
هااااااااااااى بقولك انتى
من طرف الكوتش حبيبك
بطل حوارى بشليت الحصه وما حولها
ومصنف رقم 75289763574543254 على العالم
.jpg)
المشاركات
هناك 34 تعليقًا:
هههههههه ليه ده ممدوح فرج اللى بيحب ولا ايه :)
منوره يا ايوشه
ده شويه حب
من بتوع اليومين دول
هااااى
يقولك انتى
هاهههههههه
منورانى دايما
هههههههههههههه
عضله . مجانص . مجانص . عضله. ترباس
رد فعل البنت المقصوده بالكلام :
جاري الاتصال ...انا ع الويتنج :S
دا اللي بيتصلو كتير ولا ايه :|
بتخوني x(
لا مش ممكن
تصدق الراجل ده شبه تامر حوستي شكلا وموضوعا
مبروك انت أمل وحلم كل بنت كول آخر حاجة
ههههههههههههههههههههههههههه
انا شايفة يديها لوكامية على الهوا كده قبل المقابلة
والمقابلة طبعا في المستشفى
لأ مش علشان ها يضربها
علشان الحقن اللي هو واخدها في مجانصه وترابيسه وتراي سيبسه
هههههههههههههههههههه
وانشاء الله لو اتجوزوا ليلة الدخلة هتكون فى المستشفى وممدوح فرج هو المشرف على الحالة
Bola 7elmi
هى ممكن تكون نسيت المفتاح
تربايسن فى الاول
ويمكن مش تكون هى
واحده تانيه
غير
هااااااااى
بقول لواحده تانيه
هاهههه
منوره المدونه دايما
ستيته حسب الله الحمش
دى اللكميه دى للناس الغرب
انما الحبايب
بالحضن حتى تكسير العظام
ولا نسلم كروته يعنى
ده حب على ميه بيضا
منورانى دايما
يوميات شاب منوفى
لا
الكوشه حتكون فى حلبه ملاكمه
والدخله فى الاستاد
وممدوح فرج هو المأذون
منورنى يا حج رامى
وطلع اسمك كمان على اسمى
أهو هو دة بقى اللي بيقولوا عليه ومن الحب ما قتل ودمر وكسر العظام
يا حوستي.. هو بيحبها وللا عايز يلعب فيها ماتش ملاكمة وللا مصارعة روماني.
MaNoOoSh
اهو شويه حب
على شويه تديب
ولا يخسر بطوله الجمهوريه علشان عيونها يعنى
مش لازم تكون فى تضحيه
منورانى دايما
ومالها طريقة الليمبى:)
موناليزا
والله فى كده
وفى كده
احنا بنرضى كل الاذواق
بتوع كله يعنى
منوره المدونه دايما يا مونايزا
ما هذا الحب العنيف؟!
صدقني يا اخي قد يكون هذا الحب أنقى من حب الجيل المهبب ده
خلينا عايشين في الزمن الجميل :)
ايه الحب المنيل ده,,,وعايز تتجوز قابلنى لو واحده هتعبرك باللى بتقوله ده..ال مجانص ومش عارفه ايه دنا مكسوقه والله اكتبهم هههههههههههههههههههه
روح ياشيخ ربنا يسامحك كرهتنى فى الحب وسنينه..
مـريـم الـزيـانـي
دول ويه حب للجماعه اللى بيحبوا المصارعه
ومشجعى ممدوح فرج
بتاع
هاااااااااااى
بقولك انتى
ده غير الحب بتاع ابنى ادمين
الشعب لابد له من حكومه تشكمه
علشان اللى تتجوزنى تعرف انى حمش
وحدبحلها القطه
وكلمتى متنزلش الارض ابدا
حنفى
منوره المدونه
ويا رب تكون عجبتك
ايه البوست الفظيييييييع دا
انت عاوز واخدة ماركة هوجن على كدا
هههههههههه
لالالا
الامل فى ربنا كبير ان شاء الله
دمت بود
Soul.o0o.Whisper
اتجوز واحده ماركه هوجن
حرام عليكى
يعنى لو حصل خلاف بسيط تودينى المشرحه
ده بس شويه دلع يعنى
منوره المدونه دائما
ههههههههههههههههه
بوست دمه خفيف
تحياتى
ههههههههههههه :))
ايه ماتش المصارعه ده
نايس بلوج والله
متابعه :)
لاسع افندى
منور المدونه
ويا رب تكون عجبتك
تحياتى
MǿиY El-Shreef
انتى عاوزه رومانسيه اكتر من كده
ده اخر دلع والله
منوره المدونه
ويا رب تكون عجبتك
هههههه
ليه العنف ده بس يا رامي ؟؟ ربنا ما يجيب علق و بتاع
عضله . مجانص . مجانص . عضله. ترباس
إيه ده بس باب حديد هوه ؟؟
مستنية جديدك
هههههه
ليه العنف ده بس يا رامي ؟؟ ربنا ما يجيب علق و بتاع
عضله . مجانص . مجانص . عضله. ترباس
إيه ده بس باب حديد هوه ؟؟
مستنية جديدك
كيف تعرف اذا كنت مدمنا للأنترنت ام لا؟
هل يجدد طعم البيتزا السياسه فى الشرق الأوسط؟
الأمثال الشعبيه بعد تعديلها لتلائم العصر
بعض الموضوعات الجديده تماماغير المسيوقه على النت
http://netonradio.blogspot.com
سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
سنشير الى مدونتك فى البرنامج اذا لم يكن لديك مانع
وننتظر تعليقاتك على ما نطرحه من اسئله وموضوعات فى مدونتنا وهذه التعليقات تذاع ايضا مع الموضوعات المعلق عليها
وبالمدونه يمكن الأستماع الى حلقات سابقه من البرنامج عن مدونات اخرى نختارها لتميزها.
وبموقعنا تفاصيل اكثر
المدونه
http://netonradio.blogspot.com
الموقع
http://stop.to/cairo
وبالموقع رابط تحت الساعه الى اليسار ليدخلك الى مجموعتنا على الفيسبوك واسمها انا والنت حيث يحكى الزملاء فى المجموعه حكاياتهم مع النت وندعوك للأنضمام اليه
تحاتنا وامنياتنا لك بالتوفيق
يالهوى هو الحب بقى كده
فين ايام حسين صدقى و صدقينى يا آمال
و يوم ما يقف تحت بيتهم مستنيها تطل من المشربيه
هههههههههههههههههههه
بس الواد الصراحه يتحب كفايه ترتيبه اللى واحده ده
يدخل بيه النار
ههههههههههههههه
هههههههههههه
ايه ده ياعم
كده تطفش
تقبل مرورى
Israa El-sakka
هو فين العنف بس
ده اخر رومانسيه
انتى لسه شفتى حاجه
الجواز و سنينه
كان فاضل تقولى فين الحب بتاع امينه وسى السيد والسوارس خبطتنى
وبعدين ده حب موضه قديمه قوى
الحب دلوقتى على موضه ممدوح فرج
وبعرور وسعد الصغير وامينه اركب الحنطور
حلم بيعافر
علشان الواحد يحذر قبل الزواج
وميقولوش انى محذرتش
ولو اختفت الزوجه انا مش مسؤول
منور المدونه
هههههههههههههههههههههه
مساء المصارعه
والله فطست من الضحك اول ما قريت
هى بقولك انت
يااااااااااااه
والله تلاته الاعلان ده بيجيبلى مجانص ترباس فعلا
حاجه تشل والله
معلش
هى
بقولهم هما
THE illusionist
الاعلان ده كان عملى عقده
بس تخلصت منها بعد ما كتبت الموضوع والحمد لله
وطلعت العقده على الناس
منور المدونه دايما
السلام عليكم
هههههههههههه لك شو هاد
بيطفش بلد
ربي يعين الي يقابلو
سلام
إرسال تعليق